Арманистон армияси сафида урушда қатнашган 18 ёшли "Локомотив" футболчиси ҳалок бўлди

Ереваннинг "Локомотив" клуби 18 ёшли ярим ҳимоячиси Эрик Саряннинг вафот этганини маълум қилди.

Хабарда айтилишича, ёш футболчи Арманистон ва Озарбайжон ўртасида Тоғли Қорабоғда содир бўлган ҳарбий ҳаракатлар пайтида қурбон бўлган.

“Қайғули янгиликлар. Эрик Сарян Арманистон-Озарбайжон чегарасидаги жангларда қаҳрамонлик билан ҳалок бўлди. Биз қайғуга шерикмиз ва Эрикнинг оиласи ва яқинларини қўллаб-қувватлаймиз. Ғалаба бизники бўлади”, - деб ёзилади клуб баёнотида.