Артета: “Гвардиола – менга футболда қанот бағишлаган инсон”

Микель Артета "Реал"га қарши жавоб ўйини олдидан Пеп Гвардиола билан суҳбатлашганини айтди. Унинг таъкидлашича, Пеп унга катта илҳом бағишлаган:

"Ушбу босқичга етиб келганимда Гвардиоланинг ҳиссаси жуда катта. У мен учун катта илҳом манбаи бўлган. У билан тўрт йил бирга ишладим – бу мен учун жуда бой тажриба бўлди. Ундан ҳар доим миннатдор бўламан. Агар у бўлмаганида, эҳтимол, бу ерда бўлмасдим" – деди испаниялик мутахассис.

Эслатиб ўтамиз, Артета 2016–2019 йиллар оралиғида "Манчестер Сити"да Пеп Гвардиоланинг ёрдамчи мураббийи сифатида ишлаган. Бугун эса у Европанинг энг кучли мураббийларидан бирига айланиб, "Арсенал" билан Чемпионлар Лигаси ярим финалига йўл олди.