"Аталанта" Лукманни қанча суммага қўйиб юборади?

Аввалроқ "Аталанта" 27 ёшли ҳужумчи Адемола Лукман учун "Интер" таклиф этган 42 миллион евро ва 3 миллион евро бонусларни рад этгани хабар қилинган эди.

Кейинчалик "Sky Sport Italia" ҳеч қандай янги таклифлар кутилмаётганини ва клуб футболчини сотиш ниятида эмаслигини маълум қилганди.

Бироқ, журналист Альфредо Педулла бу маълумотларни инкор этди. Унинг айтишича, агар "Аталанта" 45 миллион евро ва унга қўшимча 5 миллион евро бонуслар билан таклиф олса, Лукманни сотишга тайёр. Бонусларнинг тўланиши учун қўйилган шартлар эса осон бажарилиши мумкин.

Эслатиб ўтамиз, ўтган мавсумда Лукман А Серияда 31 ўйинда 15 та гол урган ва чемпионатнинг тўпурарлар рўйхатида 3-ўринни эгаллаган эди.