Айёр Роналду! У нега “Боруссия”га ўтмоқчи бўлгани фош этилди

“Манчестер Юнайтед” ўтган мавсум якунларига кўра, Чемпионлар лигасига чиқа олмагач, жамоа асосий тўпурари Криштиану Роналду кетиш ҳақида ўйлай бошлади.

Унинг агенти Жорже Мендеш футболчининг хизматларини бир неча клуб – хусусан, “Боруссия”га ҳам таклиф қилди.

Bild нашрининг ёзишича, бу иш бежиз бўлмаган. Нашр Роналду Чемпионлар лигасидаги иштироки орқали Nike, Clear ва Binance брендларидан шартнома даромадларини олишни кўзлаган. Бу пулларга эга бўлиш учун португалиялик футболчи дортмундликлар сафига қўшиб олса, маошининг маълум қисмидан воз кечишини ҳам билдирган.

Бундан ташқари, Криштиану Англия, Испания ва Италия чемпиони ҳисобланади ва бу совринлари қаторига Германия Бундеслигаси бош совринини ҳам қўшиш истагида бўлган.