Бабаян шогирдлари йирик ҳисобда ғалаба қозониб, пешқадамга айланди

Самвел Бабаян Хитой биринчи лигасида иштирок этувчи "Чанчунь Ятай" жамоаси бош мураббийи сифатида навбатдаги ўйинни ўтказди.

Цзя-лигаси 7-туридан ўрин олган "Чанчунь Ятай" - "Синьцзян Тяньшань" беллашуви 4:1 ҳисобида Бабаян шогирдлари фойдасига ҳал бўлди. "Нанлин" стадионида кечган баҳсда мезбонлар футболчиси Загар Лонг хет-трик қайд этган бўлса, Лукас де Соуза бир тўп киритди. Меҳмонлар эса бунга Абдулла Абдувалнинг битта голи эвазига жавоб қайтара олди.

Ушбу ғалабадан кейин чанчунликлар онлайн турнир жадвалида биринчи ўринга кўтарилиб олди.