Баҳодир Жалоловнинг ҳаваскор боксдаги азалий рақиби супер нокаут билан ғалаба қозонди (видео)

Қозоғистонда МТK Global ва МТК Kazakhstan компаниялари томонидан ташкил этилган профессионал бокс оқшоми бўлиб ўтмоқда. Жангларнинг бирида Баҳодир Жалоловнинг ҳаваскор боксдаги азалий рақиби қозоғистонлик Иван Дичко Денис Бахтовни (39-19, 26КО) 1-раундда нокаутга учратиб ғалаба қозонди.

Дичко профессионал боксда бугунгиси билан қўшиб ҳисоблаганда 10-ғалабасини қўлга киритди. У барча рақибларини муддатидан олдин мағлуб этган. Баҳодир Жалолов ва Иван Дичко ҳаваскор боксда 4 бора тўқнаш келган. Уларнинг барчаси Дичко фойдасига ҳал бўлган.