“Барса” Гавининг аҳволидан шокка тушди

“Барселона” етакчиларидан Гави тиззасидан олган жароҳатини операция қилдиришга мажбур бўлди. AS нашрининг маълум қилишича, ўйинчининг аҳволи яхши эмас.

Манбага кўра, Гавини операция қилган жарроҳ 21 ёшли ўйинчининг жароҳатланган тиззасининг аҳволи кутилганидан анча оғир ҳолатда эканига гувоҳ бўлган.

Гави энди камида келаси йилнинг февраль ойигача майдонга қайта олмаслиги таъкидланди.  

Бу хабарни эшитиб, жамоа бош мураббийи Ханс-Дитер Флик шокка тушгани айтилмоқда. Германиялик мутахассиснинг Гавидан умида катта эди.

Эслатиб ўтамиз, Гави август ойининг бошида жароғат олган эди. Жорий мавсум атиги иккита учрашувда қатнашишга улгурди ва ўз ҳисобига битта ассист ёздириб қўйди.