“Барса” Левандовски ўрнига учта суперҳужумчини нишонга олди

Испаниянинг амалдаги чемпиони “Барселона” польшалик тўпурар Роберт Левандовскининг кетишига тайёргарлик кўрмоқда.  Бош мураббий Ханс-Дитер Флик клуб директорлар кенгаши вакиллари билан ҳамкорликда ёзда трансфер қилинадиган марказий ҳужумчи масаласини муҳокама қиляпти.

Fichajes наўрининг ёзишича, каталонияликлар ҳозирча уч нафар форвард трансфери имкониятларини ўрганиб чиқмоқда.

Хулиан Альварес

Айни пайтда Мадриднинг “Атлетико”сида ўйнаётган аргентиналик форвард ёши, универсаллиги, юқори салоҳияти билан “Барселона”га мос ўйинчи ҳисобланади. 25 ёгли футболчининг ўзи ҳам Каталонияга клубига ўтишга қарши эмас.

 Ҳарри Кейн

Узоқ йиллар “Тоттенхэм” юлдузи бўлган англиялик форвард “Бавария”га кўчиб ўтганидан кейин ҳам ҳар қандай лигада тўпурарлик қобилиятини намойиш қила олишини исботлаб қўйди.  32 ёшли футболчининг асосий устунлиги юқори спорт формасини барқарор ушлаб туришида. “Барса” раҳбариятига Кейннинг жамоада етакчилик қила олиш тажрибаси ҳам жуда маълум қиляпти.

Душан Влахович

“Барселона” экспертлари таҳлиллари сербиялик форвард жамоага мос тушишини кўрсатди. 25 ёшли тўпурар келаси ёз “Ювентус”дан кетиб, муҳитни ўзгартиришга қарор қилган. Уни эркин агент мақомида қўлга киритиш имконияти “Барселона”ни бу трансферга кўпроқ эътибор қаратишига туртки бўлмоқда.