"Барса" Левандовскига идеал ўринбосар топди

Ҳужумчи Роберт Левандовски келаси ёзда Испаниянинг "Барселона" жамоасини тарк этиши мумкин. Шу муносабат билан, The Guardian нашри тарқатган хабарга кўра каталонияликлар полшалик футболчининг ўрнини тўлдириш учун "Бавария" форварди Харри Кейнни устувор номзод сифатида белгилаб олишган.

"Кўк-анорранглилар" инглиз футболчисини ҳужум чизиғини кучайтириш учун идеал вариант сифатида кўрмоқда. Манбанинг ёзишича, "Барселона" Кейннинг 65 млн евролик шартномасида сотиб олиш опсиясини келаси ёзда фаоллаштиришга тайёр.

2025/2026 йилги мавсумда 32 ёшли Кейн юқори самарадорлик кўрсатяпти. Ўтказилган 17 та ўйинда форвард 23 та гол урди ва 3 та голли узатмани амалга оширди. Англиялик ҳужумчининг "Бавария" билан амалдаги шартномаси 2027 йилнинг ярмигача мўлжалланган.