“Барса” Ямалнинг “қилиқлари”дан ташвишда

“Барселона” раҳбарияти жамоанинг бугунги кундаги энг ёрқин ўйинчиси Ламин Ямалнинг футболдан ташқаридаги ҳаёт тарзи туфайли жиддий ташвишга тушиб қолди.

Бу ҳақда Cadena Ser ҳамда El Larguero каби нуфузли манбалар маълумот чиқарди.

- Ламин Ямалнинг кундалик турмуш тарзи клубда безовталик уйғотмоқда. Ҳозирча, ваҳима қилишнинг кераги йўқ, лекин клубга сўнгги ойларда футболчи атрофида юз бераётган воқеалар ёқмаяпти. “Барселона”га Лмин Ямалнинг хулқи, ўзини тутиши ва ҳаёт тарзи ёқмаяпти, - деди журналист Ману Карреньо.

Манбага кўра, 18 ёшли футболчи зиёфатлар уюштиришга берилиб кетган. Бундан ташқари, клуб спорт директори Деку ПСЖ билан ўйин олдидан жамоа йиғилишига кеч келган Ямални таркибдан чиқармасли гини сўраб, бош мураббий Ханс-Дитер Флик олдида бош эгишига тўғри келди.