"Барселона" Фелиш учун таклиф тайёрламоқда

Каталониянинг “Барселона” клуби тез орада Мадриднинг “Атлетико” клубига ҳужумчи Жоау Фелишнинг трансфери бўйича таклиф билан мурожаат қилади. "Sport" нашри хабарига кўра, "кўк-анорранглилар" португалиялик футболчини йилига 8 миллион евролик маошини тўлиқ қоплаган ҳолда ижарага олмоқчи.

Фелиш ҳозирча фақат "Барселона"га ўтмоқчи ва фаолиятини давом эттириш учун бошқа вариантларни кўриб чиқмоқчи эмас. Январь ойида "Атлетико" Жоауни олти ойга ижарага берди, аммо бундай келишув Лондоннинг "Челси"сига 11 миллион еврога тушди. "Матрасчилар"нинг "Барселона"дан бир йиллик ижараси учун қанча пул талаб этиши ҳозирча малум эмас.

Эслатиб ўтамиз, Жоаунинг "Атлетико" билан шартномаси 2027 йилнинг ёзига қадар мўлжалланган.