"Барселона" футболчилари Ла Лига рўйхатида қоладиган бўлди

"Барселона"нинг икки футболчиси — Дани Ольмо ва Пау Виктор жорий Ла Лига мавсумида жамоа рўйхатидан чиқарилмайди. Бу ҳақда "El Chiringuito TV" хабар бермоқда.

Манбага кўра, суд футболчилар фойдасига қарор чиқарган. Расман эълон қилинган баёнот яқин вақт ичида чиқиши кутилмоқда.

Эслатиб ўтамиз, аввалроқ Ла Лига раҳбарияти Ольмо ва Викторни жамоа рўйхатидан чиқаришни режалаштирганди. Сабаб сифатида "Барселона"нинг стадиондаги ВИП ўринларни сотиш жараёнида йўл қўйган хатолари кўрсатилганди.

Ўтган 29 тур натижасига кўра, "кўк-анорранглилар" Испания чемпионати турнир жадвалида 66 очко билан пешқадамлик қилмоқда.