"Барселона" футболчиси ПСЖ ёки "Сити" таркибини тўлдириши мумкин

"Барселона" ёзда қанот ҳимоячиси Нелсон Семеду учун билдириладиган таклифларни кўриб чиқишга ҳозирланмоқда.

Каталониялик "Бавария, "Интер", ПСЖ ва "Манчестер Сити" харидор бўлаётган футболчининг трансфер суммасини 50 миллион қилиб белгилади, дея хабар бермоқда Radio Catalonia.

Клуб мураббийлар штаби Семеду "Барселона" сафида ўзини кўрсата олмади деб ҳисобламоқда ва унинг ўрнига номзод излаш ишларини бошлаб юборишди.

Семеду Испания чемпионатининг жорий мавсумида "Барса" либосида 21 та ўйинда майдонга тушиб, бир маротаба огоҳлантирилган.