"Барселона" Ҳусановнинг жамоадошини текинга олиб кетмоқчи
"Манчестер Сити" марказий ҳимоячиси Жон Стоунс фаолиятини "Барселона"да давом эттириши мумкин. Бу ҳақда Fichajes хабар бермоқда.
Манбага кўра, "кўк-анорранглилар" келаси ёзда эркин агентга айланадиган 31 ёшли футболчи билан шартнома имзолашга қизиқиш билдирмоқда. Аввалроқ, "Манчестер Сити" бош мураббийи Хосеп Гвардиола Стоунснинг таркибда қолиш-қолмаслиги ҳали аниқ эмаслигини айтган эди.
Жорий мавсумда англиялик футболчи барча мусобақаларда ўнта ўйинда майдонга тушди. Transfermarkt портали маълумотларига кўра, Стоунснинг нархи 22 миллион еврога тенг.
Комментарии