"Барселона" "Интер" ҳужумчиси учун қанча бермоқчи?

Каталониянинг "Барселона" клуби "Интер" форварди Лаутаро Мартинес учун қанча маош тўлашга тайёрлиги маълум бўлди.

Daily Star нашри тарқатган хабарга кўра “кўк-анор ранглилар” 22 ёшли аргентиналик футболчига йилига 17,6 млн евро маош ваъда қилишмоқда. Унинг трансфери учун эса “Барса” “нерадзуррилар”га 111 млн евро тўлаши тахмин қилинмоқда.

Лаутаро Мартинес жорий мавсум “Интер” сафида 31 та ўйинда майдонга тушди ва 16 та гол ҳамда 4 та голли узатма ёздириб қўйишга эришди.