“Барселона” мадридликларнинг энг қиммат футболчисини олади

“Барселона” раҳбарияти ёзги трансферлар вақтида “Атлетико”нинг энг қиммат ўйинчиси Жоау Фелишни трансфер қилишни режалаштирмоқда, деб забар тарқатди AS нашри.

“Матрасчилар” португалиялик иқтидорни қўлга киритиш учун 2019 йилда “Бенфика”га 127 миллион евродан кўпроқ бадал пули тўлаган.

Кучли чемпионатга кўчиб ўтганидан кейин Фелиш кутилган даражага чиқа олмади. Ҳозир унинг нархи 70 миллион еврога тушган. Унинг амалдаги шартномаси яна тўрт мавсум давом этади.

Шунга қарамай, Мадрид клуби ҳужумко футболчини сотиб юборишга тайёр.

Фелиш бу мавсум барча турнирларда 34 та беллашувда 10 та гол уриб, жамоадошларига олтита голли пас узатди.