"Барселона" Мессининг қайтиши учун Ла Лигадан ёзма кафолат талаб қилди

Каталониянинг "Барселона" клуби ўз тарихидаги энг яхши тўпурар Лионель Мессини қайтаришга қизғин ҳозирлик кўрмоқда. "Sport" нашри хабарига кўра, агар Ла Лига "кўк-анорранглилар" режасини тасдиқласа, Каталония клуби чемпионат раҳбариятидан ёзма кафолат сўрайди. "Барселона" маълум бир ҳужжатни олгандан кейингина "Камп Ноу"га қайтишга тайёр бўлган Месси билан музокараларни бошлайди.

Мавсум охирида Лионелнинг ПСЖ билан шартномаси тугайди ва бу унга эркин агент сифатида янги жамоага қўшилиш имкониятини беради.

Агар "Барселона" варианти амалга ошмаса, Месси Саудия Арабистонига ўтишни кўриб чиқади.