"Барселона" Ямалнинг 10-рақамли либоси сотувидан бир кунда 10 миллион евро фойда кўрди

"Барселона" бир кун ичида ҳужумчи Ламин Ямалнинг 70 минг футболкасини сотишга муваффақ бўлди. 

Манбага кўра, футболкалар сотувидан тушган даромад 10 миллион евро атрофида бўлиши кутиляпти. Аниқ миқдор эса яқин кунлар ичида эълон қилинади. Қайд этилишича, футболкалар 170 та давлатда сотилган. 

16 июль куни каталонияликлар 18 ёшли Ямал келаси мавсумдан бошлаб 10-рақам остида тўп тепишини маълум қилганди. Бу айнан талабнинг юқорилигидан келиб чиққан.