"Барселона" Ямалнинг шартномасини тезроқ узайтирмоқчи, сабаби...

"Барселона" раҳбарияти ҳужумчи Ламин Ямалнинг шартномасини узайтириш устида иш олиб бормоқда. Бу ҳақда "Diario Sport" нашри маълум қилди.

Аввалроқ, "Барселона" Лионель Месси билан юз берган вазиятни такрорламаслик учун Ямалнинг янги шартномасини узоқ муддатли ва прогрессив қилишни мақсад қилмоқда. Яъни ҳар йили футболчи маошини ошириб боришни режалаштирмоқда, деган хабарлар тарқалган эди.

Эслатиб ўтамиз, 2021 йилда "кўк-анорранглилар" молиявий муаммолар туфайли аргентиналик ҳужумчининг янги шартномасини рўйхатдан ўтказа олмаган эди.

Маълумот ўрнида, жорий мавсум Ямал барча мусобақаларда 26 та ўйинда иштирок этиб, 9 та гол урди ва 14 та голли узатмага муаллифлик қилди. Испаниялик ёш юлдузнинг "Барселона" билан амалдаги шартномаси 2026 йилнинг ёзигача мўлжалланган.