"Барселона"дагилар ҳайратда!

"Барселона" вакиллари жамоанинг янги дарвозабони Войцех Шеснининг жисмоний ҳолатидан ҳайратда қолди. Айтиш керакки, 34 ёшли посбон ўтган ёздан бери машғулот ўтказмаган ва фаолиятини якунлаганини эълон қилган эди.

Mundo Deportivo нашрининг маълум қилишича, Шесни тез орада “кўк-анорранглилар” сафида майдонга тушиш эҳтимоли бор. Дарвозабон октябрь ойидаги ФИФА кунлари пайтида машғулотларни фаол давом эттирмоқчи.

Эслатиб ўтамиз, Войцех Шесни 2 октябрь куни "Барселона" билан 2025 йилнинг 30 июнигача шартнома имзолаган. Унинг сўнгги иш жойи Туриннинг "Ювентус" клуби бўлган.