"Барселона"га Португалия терма жамоаси аъзоси келмоқда

Португалия терма жамоаси ва “Вулверхэмтон” клуби ярим ҳимоячиси Рубен Невеш "Барселона"га ўтишга яқин турибди.

Каталония клуби 26 ёшли футболчи учун "бўрилар"га 30 миллион евро тўлашга рози бўлишган. Бундан ташқари, "Барселона" ушбу шартномага ярим ҳимоячиси Ансу Фатини қўшиб беришга ҳам рози бўлиши мумкин, деб хабар бермоқда AS нашри A Bola нашрига таяниб.

Юқоридаги манбаларга кўра, Невешнинг трансфери яқин кунларда якунланиши кутилмоқда. Рубен мавсум охирида "Барса"ни тарк этадиган Серхи Бускетснинг ўрнини эгаллайди.