"Башакшеҳир"нинг жорий йилдаги сўнгги ўйини учун тахминий таркиби эълон қилинди

Туркия Суперлигасининг 17-турида "Истанбул Башакшеҳир" ўз уйида "Газиантеп" жамоасини қабул қилади. Нури Шаҳин бошчилигидаги жамоа  Туркия Кубогида "Галатасарой"дан учралган мағлубиятдан сўнг чемпионатда уч очкони қўлга киритишни мақсад қилган.

Яқинда Бурак Йилмазни бош мураббий этиб тайинлаган "Газиантеп" эса сафардаги ушбу баҳсда ғалаба қозониб, турнир жадвалида 6-ўринга кўтарилишни режалаштирмоқда.

Fotomac нашри учрашув олдидан жамоаларнинг тахминий асосий таркибларини эълон қилди. Унга кўра, Ўзбекистон миллий терма жамоаси футболчилари Элдор Шомуродов ва Аббосбек Файзуллаев баҳсни илк дақиқалардан бошлаши кутилмоқда.

"Башакшеҳир": Мухаммед, Онур, Дуарте, Опоку, Омер Али, Креспо, Умут, Шомуродов, Файзуллаев, Харит, Селке.

"Газиантеп": Зафер, Таййип, Абена, Семих, Перес, Камара, Мелих, Родригес, Козловски, Байо, Макси

Ма’лумот учун, учрашув Тошкент вақти билан соат 19:00 да старт олади.