"Бавария" Германия кубогида рекорд ўрнатди

Хабарингиз бор кеча “Бавария” Германия кубоги ярим финалида “Вердер”ни 3:2 ҳисобида енгиб, финал йўлланмасини қўлга киритди.

Шу тариқа мюнхенликлар ўз тарихларида 23-марта мамлакат кубоги финалига чиқишди. Бу эса мусобақанинг янги рекорди ҳисобланади. Шу пайтгача ҳеч бир жамоа бу қадар кўп марта Германия кубоги финалида иштирок этмаган.

Эслатиб ўтамиз, “Бавария” 25 май куни бўлиб ўтадиган финалда “РБ Лейпциг”га қарши баҳс олиб боради.