"Бавария" "олтин дубль" қайд этган тақдирда ҳам Ковач истеъфога чиқарилади

"Бавария" клуби бош мураббийи Нико Ковач мавсум якунлангач ўз лавозимини тарк этади. Бу ҳақда Spox нашри хабар тарқатмоқда.

Юқоридаги манбаага кўра мюнхенликлар раҳбарияти жамоа Германия чемпионати ва кубогида зафар қучиб,  "олтин дубль" қайд этган тақдирда ҳам уни истеъфога чиқаради.

Хорватиялик мутахассис ўрнига эса “Бавария”нинг собиқ футболчиси, айни дамда эса ПСВ Эйндховен клуби бош мураббийи ҳисобланган Марк ван Боммел номзоди фаворит эканлиги айтилмоқда.