“Бавария”да Мессини тўхтатадиган футболчи бор экан

Мюнхенликларнинг энг тезкор футболчиси Альфонсо Дэвис Чемпионлар лигаси чорак финалида “Барселона”га қарши бўладиган учрашувдан олдин фикрларини изҳор этди.

- Биз турнирда ғолиб чиқишга қодирмиз. Курашга тайёрмиз. Канадада футбол мактабида Чемпионлар лигаси учрашувларини томоша қилардик. Энди бу мусобқада ўзим иштирок этяпман. Энг ҳайратланарлиси шундаки, мен ўзим ёқтирган энг зўр футболчи – Мессини тўхтатишим керак. Таърифга тил ожиз. Орзуларим рўёбга чиқяпти, - деди Дэвис.

Ёш футболчи муҳим учрашувдан олдин ўз ўйинига ишонаётгани, Месси билан рақобатда ўзининг энг яхши томонларини кўрсата олишига тайёрлигини билдирди. 

“Бавария” бошқарув кенгаши раиси Карл-Хайнц Румменигге ҳам канадалик ҳимоячи аргентиналик  ҳужумчига ўйин бермаслигини таъкидламоқда.

- Агар Месси ўнг қанотдан ҳужумга ўтса, Дэвис унга қаршилик кўрсатади. Бу мавсумда Дэвисни алдаб ўтган ёки ундан ўзиб кетган футболчи топилмади, - дейди Румменигге.