Бенземасиз “Реал” аввалгидек бўлмайди!

“Барселона” ҳужумчиси Усмон Дембеле ҳамюрти Карим Бенземанинг “Реал”дан кетганига ўз муносабатини билдирди.

Маълумки, 35 ёшли Бензема кутилмаганда “Реал” билан янги битим тузмади ва Саудия Арабистонининг “Ал-Иттифоқ” жамоасига йўл олди.

- Бензема фантастик ўйинчи. Унинг кетиши туфайли “Реал” кўп нарса йўқотди. У бежизга “Олтин тўп” соҳиби бўлмаган. Каримсиз “Реал” аввалгидек бўлмайди, - деди Усмон Дембеле Marca нашри журналистларига.

Шунингдек, Усмон Дембеле моҳир тўпурарлардан ҳисобланган Бенземанинг бошқа қитъага кетишидан Испания чемпионати ҳам ютқазганини айтди.