Бердиев "Пахтакор"га қарши ўйингача қайтади

Ўзбекистон Суперлигасининг 17-туридан ўрин олган яна бир учрашув — “Насаф” ва “Локомотив” жамоалари ўртасидаги ўйин якунланганидан сўнг мезбонлар бош мураббийи Рўзиқул Бердиев ҳакамлар шаънига ҳақоратли сўзлар ишлатган ва майдондан четлатилган. Шунда сўнг мураббий ҳакамни туртиб юборган, бу эса “Насаф” клубининг бошқа аъзолари томонидан тартибсизликлар келиб чиқишига сабаб бўлган.

Тартиб-интизом қўмитасининг қарорига кўра, Рўзиқул Бердиевга (“Насаф”) нисбатан 3 та ўйинга дисквалификация қилиш ва жарима, шунингдек, “Насаф” клубига нисбатан ҳам жарима интизом чораси қўлланилди.

Қайд этиш лозим, Бердиев 20-турдан ўрин олган "Пахтакор" - "Насаф" ўйинигача ўз вазифасига қайтади.