Бир дақиқада иккита карточка олган футболчи айбини бошқаларга юклади

Англия Премьер лигасининг 13-турида “Вест Хэм” футболчилари ўз майдонидаги учрашувда амалдаги чемпион “Ливерпуль”га 2:0 ҳисобида ютқазиб қўйди.

Учрашувнинг антиқаҳрамони Лукас Пакета бўлди. 28 ёшли дарвозабон жамоаси битта тўп фарқи билан ортда бораётган ва зиятда 83 ва 84-дақиқада сариқ карточка олиб, майдонни эрта тарк этди. Бир ўйинчи кўп ўйнаган “Ливерпуль” орадан бир неча дақиқа ўтиб, иккинчи голини урди ва мезбонларнинг мағлубиятдан қутилиб қолишига ҳеч қандай имкон бермади.

Ўйиндан кейин Лукас Пакета огоҳлантиришга сабаб бўлган хатти-ҳаракатларини тушунтиришга уринди.

-  Икки йил давомида сенинг ҳаётинг ва фаолиятинг катта босим остида қолиши, бу жараёнда федерация ҳеч қандай психологик ёрдам бермаслиги бу –абсурд.

Эҳтимол, менинг “аҳмоқона хатти-ҳаракатларим” — мен бошдан кечиришга мажбур бўлган ва бундан кейин ҳам яна дуч келишим мумкин бўлган ҳолатларнинг бир аксидир. Агар мен идеал бўла олмасам, мени кечиринг, - деб ёзди Лукас Пакета.

Эслатиб ўтамиз, 2024 йилнинг майида Пакета футбол учрашувларига таъсир ўтказиш ва пул тикишда гумонланган эди. Бир йилдан кейин ундан ўйинларда атайин сариқ карточка олиш бўйича айбловни олиб ташлашди. Шунга қарамай, сентябрь ойида ўйинчи суриштирув давомида қоидаларни бузгани учун унга 150 минг фунт жарима қўлланилди.

Лукас Пакета гумонга олинган пайтда унинг “Манчестер Сити”га трансфери барбод бўлди ва бу ҳолат ўйинчининг руҳий ҳолатига жиддий таъсир кўрсатди.