Бир дарвозабон бир ўйинда икки рекорд ўрнатди. Уни янгилаб бўлмайди!

Европа Чемпионлар лигасида “Челси” дарвозасини қўриқлагана Эдуар Менди иккита тарихий рекорд соҳибига айланди.

Биринчидан, сенегаллик футболчи УЕФА Чемпион лигаси финалида ўйнаган биринчи африкалик дарвозабон бўлди. Табиийки, финалга ғалаба қозонгани ҳам бу рекордга қўшимча ҳисобланади.

Иккинчидан Менди Чемпионлар лигасининг якунланган мавсумида тўққизта учрашувда ўз дарвозаси дахлсизлигини сақлаб қолди. Бу мусобақада дебют мавсумини ўтказган дарвозабонлар ўртасида мутлақ рекорд ҳисобланади.

Финал учрашувида “Манчестер Сити”ни Кай Хаверцнинг голи эвазига мағлуб этган “Челси” тарихида иккинчи маротаба Чемпионлар лигаси ғолиби бўлди.