Бизга Холанд керакмас!

“Манчестер Юнайтед” раҳбарияти “Боруссия” тўпурари Эрлинг Холандни олиш фикридан воз кечди.

Аслида манчестерликларнинг норвегиялик ҳужумчига қизиқиши анча аввал, у “Зальцбург” жамоасида ўйнаб юрган пайтдан бошланган. Улар бу ўйинчини шу пайтгача кузатишдан тўхтамади.Ҳозир вазият ўзгарган.

“Манчестер Юнайтед” мутасаддиларининг фикрича, Эрлинг Холанд ёзда ўзи ўтадиган жамоани танлаб бўлган. Бу “Реал”.  Ўз олдига аниқ мақсад қўйган ҳужумчи учун курашишда ҳеч қандай мантиқ йўқ ва эътиборни бошқа футболчиларга қаратиш энг тўғри вариант.

“Манчестер Юнайтед” анчадан бери кўп гол ура оладиган тўпурар ҳужумчи қидирмоқда. Скаутлар энди янги номзодларни топишига тўғри келади.