Бизга Холанд керакмас!

Англиялик журналистлар “Челси” ҳужумида муаммолар борлигини инобатга олиб, Томас Тухелдан Эрлинг Холандни таклиф қилиш зарурати ҳақида сўради.

Германиялик мутахассис бу борада бошқа  режаси борлигини айтди.

- Бизда ажойиб ҳужумкор ўйинчилар жамланган ва улар ўзини кўрсата олишига умид қиламиз. Ромелу Лукаку гол уришни унутгани йўқ ва буни қандай амалга оширишини яқинда кўрсатиб қўйди.

Менимча, у Кай Хаверц билан майдондаги алоқаларини мустаҳкамлаб олса, ҳаммаси изига тушиб кетади. Шунингдек, сафимизда ҳужумни кучайтира оладиган Тимо Вернер ҳам бор. Шундай экан, трансфер бозорига оралашнинг ҳожати йўқ, - деди Томас Тухель.