"Челси"га қарши ўйин "Арсенал"га қимматга тушиши мумкин

Лондоннинг "Арсенал" клуби ярим ҳимоячиси Томас Партей кеча "Челси"га (1:2) қарши ўтказилган ўйинда жароҳат олди.

"Мен ҳозиргина шифокор билан гаплашдим. Томас эртага текширилади. Ҳозирча ҳаммаси ёмон кўринади", - деди "Арсенал" бош мураббийи Микель Артета “аристократлар”га қарши ўйиндан сўнг.

28 ёшли ганалик футболчи ўтган мавсум "Арсенал" сафида жами 36 та ўйинда майдонга тушган. У ушбу ўйинларда 4 та гол ҳамда 3 та голли узатмага муаллифлик қилган.

Партейнинг “канонирлар” билан амалдаги шартномаси 2025 йилга қадар имзоланган.