Чемпионлик пойгаси давом этади: "Барселона" ғалаба қозонди

Ла Лига 36-туридан ўрин олган "Вальядолид" - "Барселона" учрашуви ўз якунига етди. Унда меҳмонлар Артуро Видалнинг ягона голи эвазига ғалаба қозонди. Онлайн жадвалда каталонияликларнинг "Реал" билан очколари фарқи 1 очкогача қисқарди.

"Қироллик клуби" ўз ўйинини эртага ўтказади.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Учрашув асосий вақтига 4 дақиқа қўшиб берилди.

• 80'
  

  Оскар Плано ўрнига Рубио майдонга тушди.

• 78'
  

  Хорди Алба ҳакамга нисбатан эътироз билдиргани учун огоҳлантирилди.

• 78'

  Уотер-брек.

• 74'
  

  Хуниор Фирпо Бускетс ўрнига майдонга тушди.

• 68'

  Начонинг бош билан берган зарбасини Тер Штеген ушлаб олди.

• 65'

  Кике Перезга сариқ карточка кўрсатилди.

• 63'
  

  Мессининг жарима зарбасини Хорди Масип қайтаришга эришди.

• 60'
  

  Тер Штеген дастлабки сейвини амалга оширди. Зарба муаллифи Унал.

• 58'

  Кикенинг олис масофадан берган зарбаси ноаниқ кетди.

• 52'

  Энес Уналнинг узоқ масофадан йўллаган зарбаси Тер Штегенга ортиқча қийинчилик туғдирмади.

• 49'

  Рики Пуч иккинчи таймдаги дастлабки зарбани йўллади. Тўп тўғри дарвозабоннинг қўлларига бориб тушди.

• 46'
  

  Суарес ҳам Гризманн ўрнига майдонга ташланди.

• 46'
  

  Рубин Алкарас ўрнига Энес Унал майдонга тушди.

• 45'
  

  Танаффус.

• 45+'
  

  Биринчи бўлимга нақд 4 дақиқа қўшиб берилди.

• 45'
  

  Рубен Алкарас огоҳлантирилди.

• 43'

  Мессининг жарима майдони ташқарисидан берган зарбаси бироз ноаниқ кетди.

• 40'
  

  Лангле рақиб ҳужумини майдон марказида тўхтатгани учун огоҳлантирилди.

• 38'

  "Вальядолид" футболчиси Тер Штеген билан бирга-бир вазиятга чиқиб бориб, энг сўнгги паллада йиқилиб тушди.

• 32'

  Уотер-брек

• 30'

  Рики Пуч Гризманнга яна бўш дарвозага зарба бериш мумкин бўлган узатма берди. Дарвозабон тўпни эгаллаб олди.

• 24'
  

  Камеро ўрнига Начо Мартинес майдонга тушди.

• 22'

  Гвардиоланинг зарбаси ноаниқ чиқди.

• 19'

  Бу каби қулай имкониятдан фақат Гризманн гол ура олмаслиги мумкин. У бўш қолган дарвозани ишғол қила билмади.

• 15'
  

  ГООООООООООООЛЛЛЛЛЛ!!! Мессидан пас Видалдан гол.

• 8'

  "Барселона"нинг хавфли ҳужумидан сўнг Видаль зарба берди. Дарвозабон ўз ўрнида.

• 1'
  

  Ўйин бошланди.