Даниэль Кормье UFC нинг баҳолаш тизимини танқид қилди
UFC собиқ чемпиони Даниэль Кормье грузиялик Мераб Двалишвили ва америкалик Кори Сэндхаген ўртасидаги жангдан сўнг промоушеннинг очко ҳисоблаш тизимини танқид қилди.
“Тейкдаунларни баҳолаш тизими нотўғри. Рақибни фақат кўтариб қўйиш эмас, балки ерга тушириб, назорат ўрнатиш керак. Мерабнинг 20 та тейкдауни йўқ эди — 5 ёки 6 таси ҳақиқий, қолган 14 ҳолатда шунчаки партерга тортиш холос”, — деди Кормье "ESPN" га берган интервьюсида.
Эслатиб ўтамиз, Мераб "UFC 320" турнирида Сэндхаген устидан ҳакамларнинг якдил қарорига кўра ғалаба қозонганди.
Комментарии