Дарья Касаткина энг кучли теннисчилардан бирини енгди

Россиялик теннисчи Дарья Касаткина Индиан-Уэллсда ўтаётган мусобақанинг дастлабки финалчисига айланди.

Дарья мусобақанинг ярим финалида америкалик Винус Уильямсга қарши кортга чиқиб, 4:6, 6:4, 7:5 ҳисобида ғалаба қозонди.

Шу тариқа у "BNP Paribas Open - 2018" турнирининг финалида руминиялик Симона Халеп ва япониялик Наоми Осака учрашуви ғолибига қарши кортга чиқади.