Деку: "Ҳакамлар "Барселона"га нисбатан жуда қаттиқ муносабатда бўлишяпти"

"Барселона" спорт директори Деку Ла Лигадаги ҳакамлик ҳақида фикр билдирди.

"Биз апелляция бермоқчимиз, аммо натижа қандай бўлишини тахмин қилиш қийин эмас. Ҳолатни тўлиқ кўрмадим, лекин баъзан кўз юмиш мумкин бўлган нарсаларга ортиқча аҳамият берилади. Голдан кейин бироз ҳаяжонландим, овозим ҳам чиқмай қолди. Кўп одамлар бизнинг ғалаба қозонишимизни хоҳламайди.

Биз ҳар доим оқимга қарши сузамиз, аммо бу ерда баҳона қилиш ёки шикоят учун эмасмиз. Биз шикоят қилишни ёқтирмаймиз. Тортишувга киришиш ниятимиз йўқ, лекин аниқ бир нарса бор — бизга нисбатан жуда қаттиқ муносабат бор. Бу қаттиқлик баъзан чегарадан чиқиб кетяпти", — дея таъриф бериб ўтди Деку.

Эслатиб ўтамиз, жамоа бош мураббийи Ханс-Дитер Флик "Жирона"га қарши (2:1) баҳсда икки марта сариқ карточка олиб, келаси турдаги "Эл-класико"ни ўтказиб юборишига тўғри келади.