Дембеле: "Оғир меҳнат ўз самарасини берди"

ПСЖ жамоасининг ҳужумчиси Усмон Дембеле 2025 йилнинг энг яхши футболчиси сифатида ФИФА томонидан тақдим этилган "The Best" мукофотига муносабат билдирди.

28 ёшли Франция терма жамоаси вингери парижликлар сафида Чемпионлар лигаси, Франция чемпионати, Франция Кубоги, Суперкубок ва УЕФА Суперкубогини қўлга киритган. Бугун у Доҳа шаҳрида "The Best" мукофотини қабул қилиб олди.

— Жамоадошларимнинг барчасига миннатдорлик билдираман. Оғир меҳнат албатта ўз самарасини беради. Оиламга ва ПСЖга раҳмат айтаман, биз учун жуда ажойиб йил бўлди.

Шунингдек, ФИФА раҳбари Жанни Инфантинога ҳам ташаккур, у туғилган куним муносабати билан менга табрик йўллаган эди.

Умид қиламан, келаси йили ҳам бу ерга қайтаман, — дея таъриф бериб ўтди франциялик ҳужумчи.