Дониёр Абдуманнопов "Навбаҳор"да!

“Навбаҳор” клуби ёзги трансфер ойнаси ёпилиши чоғида яна бир янги ўйинчи билан келишувга эришиш арафасида турибди.

Гап шундаки, андижонлик 22 ёшли иқтидорли ярим ҳимоячи Дониёр Абдуманноповга “Навбаҳор”дан жиддий қизиқиш бор. Шу сабабли томонлар деярли бир тўхтамга келишишди. Футболчи айни пайтда Наманганга етиб борган.  

Абдуманнопов биринчи даврада “Сўғдиёна” сафида 10 та ўйинда майдонга тушиб 4 та гол урди. Қизиғи, жиззахликлар таркибидаги дастлабки голини Наманганда “Навбаҳор” дарвозасига киритган бўлиб, ўшанда мавсумдаги энг чиройли голлардан бирига муаллифлик қилганди. Шундан кейин Дониёр “Сўғдиёна”да кетма-кет голлар уришни бошлаган.