Донна Векич: Қандай мағлуб бўлганимни тушунмай қолдим
Барча интиқлик билан кутган “WTA ASB Classic – 2018” турнирида баҳслар қизғин ўтмоқда.
Янги Зеландиянинг Окленд шаҳри мезбонлик қилаётган мусобақада соврин жамғармаси 250.000 АҚШ долларни ташкил этмоқда. Мусобақанинг дастлабки даврасида бельгиялик Кирстен Флипкенс хорватиялик Донна Векични қийинчилик билан 7:6, 3:6, 6:4 ҳисобида енгди.
Тайван шарафини ҳимоя қилаётган Су-Вэй Се эса ўзбек теннис муҳлисларига яхши таниш бўлган япониялик Нао Хибинога бор йўғи учта геймни бой берди ва иккинчи даврада ўйнайдиган бўлди.
Эртага ўтказиладиган биринчи давра баҳсларида Каролин Возняцки (Дания) – Мэдисон Бренгл (АҚШ), Моника Пуиг (Пуэрто-Рико) – Юлия Гергес (Германия), Сара Эррани (Италия) – Барбора Стрицова (Чехия), Агнешка Радванска (Польша) – Беатрис Хаддад Майя (Бразилия), Юлия Путинцева (Қозоғистон) – Исалин Бонавентюр (Бельгия) ўзаро рақобатлашади.
Комментарии