Доннарумма: "Орзум — "Манчестер Сити" билан Чемпионлар лигасини ютиш"

"Манчестер Сити" дарвозабони Жанлуижи Доннарумма яқинда берган интервьюсида клуб билан асосий мақсадини ошкор қилди.

"Биз олдимизга финалга чиқиш мақсадини қўйганмиз. Бундан қочмайман, бу ҳақда орзу қиламан. Чемпионлар лигасида "Сити" билан ғалаба қозониш — бу менинг орзум. Лекин бунинг учун барқарорлик, катта меҳнат ва ҳар бир ўйинда ўзимизни намоён этиш керак", — деди италиялик посбон.

26 ёшли футболчи ўтган мавсумда ПСЖ таркибида Чемпионлар лигасида ғалаба қозонганди. Аммо сентябрь ойи бошида у парижликларни тарк этиб, "Манчестер Сити" сафига қўшилди.

Эслатиб ўтамиз, "шаҳарликлар" ўтган мавсум плей-оффнинг дастлабки босқичида "Реал Мадрид"га мағлубиятга учраб, мусобақани эрта тарк этган эди.