Дьёкереш икки гранд клубнинг таклифини рад этди

Швециялик таниқли ҳужумчи Виктор Дьёкереш келажак фаолияти борасида аниқ қарорга келди. Журналист Себастьен Видальнинг хабарига кўра, 27 ёшли футболчи "Манчестер Юнайтед" ва "Ювентус"нинг таклифларини рад этди. Унинг энг устувор мақсади — фаолиятини Лондоннинг "Арсенал" жамоасида давом эттириш.

Манбаларнинг таъкидлашича, Дьёкереш шу ёзда "канонирлар" сафига ўтишни ўзининг асосий мақсади сифатида белгилаган. Аввалроқ у "Спортинг" президенти билан учрашиб, жамоани тарк этмоқчи эканини билдиргани ҳақида маълумотлар тарқалганди.

2024/25 йилги мавсумда Дьёкереш ажойиб формада бўлиб, 52 ўйинда 54 та гол ва 13 та голли узатма амалга оширди. Transfermarkt порталининг маълумотига кўра, унинг бозор баҳоси 75 миллион еврога тенг.