Эдерсон: "Манчестер Сити" билан тарихга кирдим"

"Манчестер Сити"дан Туркиянинг "Фенербахче" клубига ўтган дарвозабон Эдерсон инглиз клубидаги фаолияти таассуротлари билан ўртоқлашди. Бразилияликнинг таъкидлашича, жамоа турли мусобақалардаги кўплаб ғалабалари билан тарихга кирган.

"Саккиз мавсумда олтита Премьер-лига чемпионлиги. Эсимда, АПЛдаги сўнгги чемпионлигимдан кейин Фред Калдейра (TNT бошловчиси) ва у кетма-кет тўртта ғалабадан сўнг бу нормал ҳолат эканлигини айтди. Бу нормал ҳолат эмас. Биз тарихга кирдик, менинг жамоам тарихга кирди. Футболчилар, ходимлар, бу клуб тарихга кирди.

Мен Манчестерга жуда ёш ва "шаҳарликлар" либосини кийиш орзуси билан келганман. Менда тиришқоқлик билан ишлаш, бор кучим билан ҳаракат қилиш ва совринларни қўлга киритишга интиладиган катта ёшли йигитларнинг тажрибасидан фойдаланиш кайфияти бор эди. Орзуларимиз амалга ошди ва мен бу лаҳзалардан жуда хурсандман. Ҳаётимнинг бу даврида мен бахтли эдим.

Саккиз йилдан кейин бошқа клубга ўтиш, уйни ўзгартириб, Туркияга бориш - бу катта стресс, лекин мен бахтлиман, оилам ҳам. Бу мен ва оилам учун энг яхши ечим", - дея Эдерсоннинг сўзларини келтиради "Манчестер Сити" расмий сайти.

"Шаҳарликлар" сафида Эдерсон жами 19 та совринни қўлга киритган.