ЕЛ. "Рома" сафарда мағлубиятга учради

Европа лигасининг чорак финалидан ўрин олган "Фейеноорд" - "Рома" баҳси мезбонларнинг 1:0 ҳисобидаги ғалабаси билан тугади. 

Ягона гол муаллифи - Матс Виффер. Ярим ҳимоячи 54-дақиқада Идриссининнг пасидан кейин рақиб дарвозасини ишғол қилиб, ғалаба голини киритди.

Шу тариқа, "Фейеноорд" жавоб ўйини олдидан кичик устунликка эга бўлиб олди. Кейинги матч 21-апрелда бўлиб ўтади.