Эрнесто Вальверде: "Барселона"ни чемпион дейишга ҳали эрта

Каталониянинг "Барселона" клуби бош мураббийи Эрнесто Вальверде кеча "Реал Сосьедад" (2:1) устидан қозонилган ғалабадан сўнг журналистлардан ҳали чемпионлик ҳақида гапирмасликни сўради.

“Бугун биз учун муҳим ўйин эди. Чемпион бўлишимиз учун яна 9 очко жамғаришимиз лозим. Ҳамма бизни чемпион деб айтмоқда, аммо биз ҳали унга эришмадик. Охирги ўйин якунланмагунича ҳеч нарса маълум бўлмайди”, - дейди испаниялик мутахассис.

Эслатиб ўтамиз, “Барселона” айни дамда 77 очко билан Ла Лига мусобақа жадвалида пешқадамлик қилмоқда. Ундан кейинги ўринда бораётган “Атлетико” ҳисобида эса 68 очко мавжуд.