Фати: "Менга ишонгани учун клубга миннатдорчилик билдирмоқчиман"

Ансу Фати "Барселона"даги даври ва "Монако"га ўтиши ҳақида фикр билдирди.

- Очиғини айтганда, ўзгаришлар яхшилик томон деб ўйлайман. Бу мавсумда шу ерда бўламан, аммо мен ўсиб-улғайган ва тажриба орттирган клубимга доимо миннатдорчилик билдираман.

Дастлаб жуда яхши бошлаганим тўғри. Кейин жароҳатландим ва хоҳлаганимдек барқарорликка эриша олмадим. Умид қиламанки, бу ерда ҳамма нарса бошқача бўлади ва мен ўзимга зарур бўлган барқарорликни қўлга киритаман. Энг муҳими шу: изчиллик ва агар мураббий лозим топса, кўп ўйнаш имкониятига эга бўлиш.

Биз Ямал билан "Барселона"да доимо бирга эдик. Шубҳасиз, у мени жуда яхши кўришини ва менга энг яхши тилакларни билдиришини биламан. Деярли бутун жамоа менга омад тилади. Улар яхши одамлар, мен улар билан Ла-Масияда узоқ вақт бирга бўлганман ва уларга, айниқса Ламинга, энг яхши тилакларимни билдираман.

- Мен бу ерда эканлигимдан жуда хурсандман ва менга ишонч билдиргани учун клубга миннатдорчилик билдираман.

Улар менга қўнғироқ қилган пайтдан бошлаб, бизнинг мулоқотимиз жуда аниқ эди: мен бу ерга келиб, ривожланишни давом эттиришни хоҳлардим.

Бу ерда бўлганимдан жуда бахтиёрман. Мен бу янги синовни интиқлик билан кутяпман ва ўзимни тўлиқ клуб ва жамоага бағишлайман, - деди Фати янги клубидаги тақдимотида.

Аввалроқ хабар қилинганидек, Каталония клуби ва 22 ёшли қанот ҳужумчиси шартномани 2028 йил 30 июнгача узайтирган эди. Шундан сўнг, клуб футболчини "Монако"га бир мавсумга ижарага берди.