Флик Левандовски ўрнига учта юлдузни танлади

“Барселона”нинг кейинги йиллардаги энг зўр тўпурари Роберт Левандовскининг ёши ўтиб қолаётгани боис, каталонияликлар бошқа форвард қидиряпти.

 Бош мураббий Ханс-Дитер Флик клуб хўжайини Жоан Лапортага польшалик ўйинчи ўрнига юқори савиядаги ҳужумчи олиш эҳтиёжи борлигини айтди.

Каталонияликлар 2026 йилнинг ёзига мўлжалланган трансферга ҳозирдан тайёргарлик кўрмоқчи. Немис  мураббийи бу позицияга учта суперюлдузни муносиб кўраётгани маълум бўлди.

FICHAJES.NET  нашрига кўра, Флик Левандовски ўрнини Эрлинг Холанд, Хулиан Альварес ёки Александр Исаакдан бири эгаллашини истаяпти. Каталонияликлар бу марказий ҳужумчилар Ханс-Дитер Флик қўллаётган ўйин услубига жуда мос тушади, деган хулосани ўртага ташлади.

Шуни алоҳида таъкидлаш керакки, Жоан Лапорта анчадан бери олишни орзу қилаётган тўпурар Эрлинг Холанддир. Бироқ норвегиялик ҳужумчини олиш осон бўлмайди. Холанд “Манчестер Сити” билан 2033 йилнинг ярмигача давом этадиган шартномага эга ва ўта катта маош талаб қиладиган ўйинчилар қаторига киради.