Флик Левандовскидан норози, ўрнига учта футболчи топиб қўйди

“Барселона” бош мураббийи Ханс-Дитер Флик жамоасининг ҳужум салоҳиятини янада оширмоқчи ва бунинг учун янги ижрочилар кераклигини таъкидламоқда.

Германиялик мутахассис Роберт Левандовскининг ўрнига универсал ҳужумчи олиб келмоқчи. Гарчи 36 ёшли польшалик форвард самарадорлик бўйича юқори кўрсаткичлар қайд этаётган бўлса-да, жамоанинг умумий ҳужумларида етарли даражада қатнаша олмаяпти.

Флик 9-рақам позициядаги ўйинчи фақат гол уриш билан чекланмасдан ҳужум ранг-баранглиги ва кескинлигини таъминлаши лозим, деган ғояни илгари сурмоқда. Ёши ўтиб қолаётган Левандовскининг мураббий талаб қилаётган даражада фаол ўйнашга жисмоний имконияти йўл қўймайди.

Шу боис, каталонияликлар бу позицияга уч нафар ёш ва кучли тўпурарларни талаб қўйди. Улар ёзги трансферлар даврида “Лепциг”дан Беньямин Шешко, “Ньюкасл”дан Александер Исаак ва “Спортинг”дан Виктор Дьёкерешни олмоқчи. Бу футболчиларнинг бари гол уришда Роберт Левандовскидан қолишмайди.