Флорентино Перес уч футболчидан ҳафсаласи пир бўлган

"Реал" Испания Суперкубоги финалида "Барселона"га 2:5 ҳисобида оғриқли мағлубиятдан сўнг вазиятни баҳоламоқда. "Fichajes" хабарига кўра, Мадрид клуби президенти Флорентино Перес жамоани уч футболчидан тозалашга қарор қилган.

Президентнинг режасига кўра, ҳимоячилар Лукас Васкес ва Ферлан Менди, шунингдек, ярим ҳимоячи Орльен Чуамени жамоа таркибида қолмаслиги керак.

Шуни таъкидлаш жоизки, аввалроқ Чуамени бир неча Англия Премьер-лигаси топ клублари билан боғланган эди.

Ҳозирда "Реал" Испания чемпионати турнир жадвалида иккинчи ўринда жойлашган.

Карло Анчелотти жамоаси навбатдаги ўйинни 16-январ куни Испания Кубогида "Сельта"га қарши ўтказади.