Франция 24 йил олдин Бразилия қилган ишни қилди

Франция 24 йил ичида мундиал ярим финалига чиққан биринчи амалдаги жаҳон чемпиони бўлди.

ЖЧ-2022 чорак финалида францсузлар Англия устидан 2:1 ҳисобида ғалаба қозонди ва 1/2 финал йўлланмасини қўлга киритди.

Эътиборлиси, 1998 йилги жаҳон чемпионатидан кейин биринчи марта амалдаги чемпион жаҳон чемпионатининг ярим финалига чиқди.

Ўшанда Бразилия 1994 йилги Жаҳон чемпионатида ғолиб чиққан ҳолда 1998 йилги мундиал финалига қадар етиб борган ва ҳал қилувчи ўйинда Францияга имкониятни бой берган эди.

Эслатиб ўтамиз, Франция терма жамоаси ЖЧ-2022 ярим финалида Португалияни мусобақадан чиқариб юборган Марокашга қарши майдонга тушади.