Футбол барибир тугайди! Месси янги соҳада иш бошлади

Саккиз карра “Олтин тўп” соҳиби Лионель Месси фаолиятининг сўнгги босқичини ўтказмоқда ва бутсаси михга иладиган онлар тобора яқинлашиб келяпти.

38 ёшли футбол юлдузи фаолиятини тугатганидан кейин нима иш билан шуғулланишини айтди.

- Фаолияти жуда узоқ давом этмоқда. Ҳақиқат шундаки, кейинги пайтларда бошқа нарсаларга ҳам қизиқиш билан қарай бошладим. Ҳозир нима қилиш керак ва келажакда нималар бўлиши мумкинлигини ўйлаяпман.

Афсуски, футбол имкониятлари чекланган ва қайсидир пайт карьерам тугайди. Шундан кейин нима қилишни ўйлаяпман.

Айни пайтда бизнес олами мени қизиқтириб қўйган, уни яхшилаб ўрганишни истайман.  Ҳозир бу борада ҳеч нарсани билмайман. Бизнес соҳасига илк қадамларимни ташлашга ҳаракат қиляпман, - деди Лионель Месси.

Эслатиб ўтамиз, яқинда аргентиналик юлдуз “Интер Майами” билан 2028 йилнинг охиригача давом этадиган янги шартнома имзолаган. Экспертлар бу Мессининг футболчи сифатида сўнгги битими эканини таъкидламоқда.